Boljske Grede – 2091m

Najsuroviji vrh Durmitora – gromada Bolja, sa svojim Boljskim Gredama jedan je od najsurovijih i najteže prohodnih vrhova u masivu Durmitora. Boljske grede karakterišu džinovske kamene ploče, stepenasto poređani visoki stjenoviti spratovi, uski i izbrazdani žljebovi i škrape, buboki otvori jama i pećina, kao i rastinje kleke koje izrasta iz ljtog krasa.

Na padinama Bolja iznad kanjona Komarnice može se naći na više mjesta munike i tisovine, dok se u nižim dijelovima mogu sresti dren i divlja kruška. Ovo je takođe jedno od važnijih staništa divokoza i međeda na Durmitoru.

Planinarske staze i pristupi:

• Sedlo – Dobri do – Bolj

DUŽINA TURE: Uspon: 5h; Silazak: 3h; Ukupno 8h;

VISINSKA RAZLIKA: 491m;

MARKACIJA: Nemarkirana tura

Pogled sa Boljskih greda:

Boljske grede predstavljaju poduži planinski greben  koji započinje od prostranog i zatalasanog Dobrog dola, odakle s enastavlja prema jugu postepeno se spuštajući. Boljske grede svojom cijelom dužinom nadvisuju najjužniju durmitorsku dolinu Komarnicu, a predstavljaju prvoklasan vidikovac na najviše vrhove Durmitora iz pravca juga ,a na jugu preko dolina Dragišnice i Komarnice uzdiže se planina Vojnik.

Sezona za uspon:

Najpogodniji period za uspon traje od maja do oktobra. 

Zaštita i bezbjednost:

Pošto tokom uspona nema markiranih pravac, za ovu turu je preporučljivo ići u društvu planinarskog vodiča, savjetuje se polazak rano ujutro i birati dobre vremenske uslove.

Ponijeti dovoljne količine vode

Korištenje planinarske opreme

Značaj i preporuka za posjetioce:

Greben Bolja karakterišu goli i suvi vrhovi – Izmećaj, Bavin i Ogoreli Krš, odakle s eprema jugu pruža Ravni Bolj i njegovi obronci Čeoci koji su obrasli mješovitom šumom i pašnjacima. Bolj je ujedno i jedno od važnijih staništa divokoza i medvjeda na Durmitoru.